Dagurinn lengist og það er ný orka á sveimi. Sólin vermir gluggakistuna og ber með sér fyrirheit um sólríka sumardaga. Á svoleiðis stundum, hvort sem er í vinnu eða heimavið, er svo gott að eiga góðan bita með kaffisopanum, loka augunum og láta sig dreyma. Hjónabandssæla Kexsmiðjunnar er til dæmis fullkominn kaffibiti á svona stundum og krakkarnir elska Íslandskexið

Íslenska sumrinu fylgja bjartar nætur og útilegur, leikur og útivera. Vörurnar frá Kexsmiðjunni eru fullkominn ferðafélagi í útilegurnar, gönguna, bústaðinn og lautarferðina. Hvort sem ætlunin er að leggja land undir fót, vera á vegum úti eða bara skreppa út í garð í góða veðrinu er gott Veganesti nauðsynlegt. Nú fæst Veganestið í flestum betri bensínstöðvum og vegasjoppum um allt land

Þótt eftirsjá sé að sumri þá finnst flestum huggulegt að fá rökkur á kvöldin aftur og njóta þess með kveikt kertaljós. Náttúran bregst við árstíðaskiptum og laufskrúðið sýnir alla sína litadýrð áður en það fellur til jarðar. Haustið býður upp á huggulegar stundir heimavið þegar haustvindurinn gnauðar útifyrir, eða yndislegar gönguferðir í haustsólinni.

Veturinn með myrkri og frosti reynist sumum erfiður. Hann er þó fjarri því að vera alslæmur. Fyrsti snjórinn kætir jafnan börnin og ís og snjór opna ýmsa möguleika í útiveru og íþróttaiðkun. Snúðar og muffins bragðast aldei betur en með heitu súkkulaði á köldum vetrardegi. Veturinn býður líka upp á jólin, og jólunum fylgja allar gómsætu smákökurnar.